’பெரும்பான்மை தவறினால் அனைத்தையும் ரணில் கைவிடுவார்’ – Sri Lankan Tamil News

’பெரும்பான்மை தவறினால் அனைத்தையும் ரணில் கைவிடுவார்’

இந்த செய்தியைப் பகிர்க

நாடாளுமன்றத்தில், மஹிந்த ராஜபக்ஷவுக்கு உரித்தான பிரதமர் ஆசனத்தைப் பெற்றுக்கொடுப்பதென சபாநாயகர் எடுத்துள்ள தீர்மானத்தை, பலரும் பல்வேறு அர்த்தங்களைக் கொண்டுள்ளனரென, ஐக்கிய தேசியக் கட்சி குற்றஞ்சாட்டியுள்ளது.

சபாநாயகரின் இந்தத் தீர்மாத்துக்கமைய, நாட்டின் பிரதமர் மஹிந்த ராஜபக்ஷ என்பது உறுதிப்படுவதாக, சிலர் கருத்துத் தெரிவித்து வருவதாகவும், ஐ.தே.கவினர் தெரிவிக்கின்றனர்.

இது தொடர்பில் கருத்துத் தெரிவித்துள்ள ஐ.தே.கவின் நாடாளுமன்ற உறுப்பினர் ஹரின் பெர்ணான்டோ, நாடாளுமன்றத்தில் பெரும்பான்மையைக் காண்பிக்க, ஐக்கிய தேசியக் கட்சி தயாராக உள்ளதெனக் கூறினார்.

இதேவேளை, நாடாளுமன்றத்தில் பெரும்பான்மை யாருக்குக் கிடைக்கிறதென்பதைத் தீர்மானிக்கும் வரை, ரணில் விக்கிரமசிங்க, அலரி மாளிகையிலேயே தங்கியிருப்பார் என்று, ஐ.தே.க நாடாளுமன்ற உறுப்பினர் அஜித் பி பெரேரா தெரிவித்தார்.

நாடாளுமன்றத்தில் பெரும்பான்மையைக் காண்பிக்கத் தவறும் பட்சத்தில், அனைத்தையும் கைவிட, ரணில் விக்கிரமசிங்க தயாராக உள்ளாரென்றும், அஜித் பி பெரேரா தெரிவித்தார்.

மேலும் இலங்கைச் செய்திகளைப் படிக்க இங்கே அழுத்தவும்

* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!

Advertisement

Recommended For You

About the Author: Oviya

Leave a Reply